Aig deireadh na Sultaine, ghabh Lola Stahl
agus Laura Nic a’ Phearsain pairt anns a’ cho-fharpais oraid Ri Chèile ann am
Beal Feirste ann an Èirinn a Tuath. Fhuair an sgoil cuireadh oir chum sinn an
co-fharpais a-bhos ann an Dun Eideann ann an 2012.
‘S e turas air leth a bha seo, far an robh
co-fharpaisichean o Èirinn agus Alba a’ toirt seachad oraidean ann an Gaidhlig
agus Gaeilge. ‘S e na cuspairean a bha aca “Dileab Puinnseanta Bhreatainn dhan
t-Saoghal” aig Lola agus “Harry Dòigheil – A bheil sinn feumach air One
Direction na Gaidhlig?” Ged nach do bhuannaich iad, fhuair iad moladh mòr o na
britheamhan.
Chaidh an co-fharpais a chumail ann an
Sgoil Naomh Dominic air Bothar na bhFal (Falls Road). ‘S e sgoil eireachdail a
bha seo agus fhuair iad fàilte chrìdheil. Aig aon am, bha an t-àite gu math
cunnartach ach on a thainig sìth gu Eirinn a Tuath, tha Gaeltacht ann agus bha
an t-aite gu math beòthail le sgoilearan agus oileanaich mun chuairt. Bha
Gaeilige air feadh an aite. Chu Thadhail na sgoilearan air an Cultarlann, aonad
cultarach Gaeilge ann an cridhe a’ bhaile mhòir far an cuala iad mu eachdraidh
na Gaeilge ann an Eirinn a Tuath. Bha
seo glè inntinneach. Bha iad ann air an oidhche cuideachd airson ceilidh far an
do sheinn Mgr Stiùbhart!
Air an latha mu dheireadh, thadhail na
sgoilearan air an taisbeanadh air leth, Titanic Belfast. Chaidh an long ainmeil
seo a thogail ann am Beal Feirste agus ‘s e togalach eireachdail a tha ann a
bhios a’ sealltainn dè cho mòr sa bha an long ainmeil mus deach e fodha sa
Chuan Siar ann an 1912. Bha Mgr Stiùbhart a’ seinn a-rithist, an trup seo Celine
Dion!
Rinneadh mòran charaidean ùra air an turas
agus dh’ionnsaicheadh tòrr mu dheidhinn cultar nan Gaidheal ann an duthaich
eile.
Mìle Taing do Gael Linn, Foras na Gaeilge
agus Comunn na Gàidhlig airson a h-uile càil a chur air dòigh.